8 அக்ராஹாரம் வீட்டு மாடி. அப்போதெல்லாம் ஊரின் நிலக்கிழார்கள் இருவர் தவிர இருந்த ஒரே மாடி வீடு இதுதான். மாடி வீட்டுப்பையன் என்று எனக்கு பெயர். அங்கிருந்து மேற்கே பார்த்தால் தொலைவில் விளக்குகள் எரிகிறதா என்று தெரியும். கரண்ட் போய்விட்டால் அணைந்துவிட்டாதா என்று பார்க்க மாடிதான். நெல் காயப்போட எங்கள் வீட்டு மாடிதான். வடகம் காயப்போட மாடிதான். வருடம் ஓரிருமுறை சித்தப்பாக்கள் சென்னையிலிருந்து ரயிலில் வந்து கிழக்கே ஏரிக்கரை வழியாக வருவார்கள். ஓரிரு மைல் தொலைவில் ரயில் சத்தம் கேட்டவுடனேயே நாங்கள் மாடியில் ஏறி அவர்கள் வருவதை கண்டுபிடிப்போம்.
No comments:
Post a Comment